Fanaanka ayaa markii uu soo dagay waxaa si weyn u soo dhaweeyey dad fara badan oo isku jiray madax, ururada bulshada, dhalinyaro iyo fanaaniin Soomaliyeed isagoo halkaasi ay si gaar ah oo weyn  ugu soo dhaweeyeen dhalinyaro si heersare ah loo soo agaasimay oo ku labisnaa funaanado ay ku qornayeen magaca fanaanka caanka ah ee Xasan Aadan Samatar iyo halku-dhigyo lagu soo dhaweynayey fanaanka.

Fanaanka Xasan Aadan Samatar ayaa la filayaa in uu dhawaan magaalada Nairobi ku qaban doono bandhig faneed ay Soomaalida ku nool dalka Kenya in muddo ah sugayeen iyadoo fanaanka ay jiraan heeso badan oo uu ku luuqeeyo oo ay Shacabka Soomaaliyeed  ay aad u xiisyaan.

Xasan Aaadan Samatar ayaa ka mid ah fanaaniinta ay Shacabka Soomaaliyeed aad iyo aad u jecel yihiin cododkooda halaasiga ah iyadoo uu Xasan Aadan uu  leeyahay heeso badan oo si weyn ummada Soomaaliyeed  u jecashahay oo iskugu jiro kuwo wadani ah iyo kuwo dhanka jacaylka ah ka tarjumaya.

Radio Bar-kulan

Nairobi.

Maqaaladda La Xiriira:

1. Gabdhaha Kubadda kolayga Banaadir oo Nairobi soo gaaray
2. Xulka qaranka Soomaaliya ee kubadda gacanta oo Nairobi soo gaaray
3. 17 sano jirka Xulka Soomaaliya oo Nairobi soo gaaray.

Maanta waxay qeybo badan oo kamida bulshada caaalamku ay u dabaal degaysaa maalinta hooyooyinka caalamka oo sanad walba qaar badan oo kamida dalalka caalamka lagu xuso 9ka bish May, waxaana sand walba lasoo saara warbixin dheer oo looga hadlayo hooyooyinka caalamka, sanadkana warbixin ay hooyooyinka caalamka ayaa waxaawarbixin dheer lagu qoray bogga Kansas city.com oo soo xiganaya warbixintii sanadlaha ahayd ee ay hay’adda Save the Children ka diyaarisay hooyooyinka caalamka waxaana warbixintani lagu bilaabay.

Maalinta hooyooyinka caalamka waxaa inbadan oo kamida dalalka caalmka looga dabaal degaa sagaalka bisha May iyadoo dhaqan ahaan ay maanta oo kale mudan tahay in diiradda la saaro islamarkaana wakhti badan lagu bixiyo qoysaska caalamka oo ay hooyooyinku ugu horeeyaan iyadoo hay’adda Save the children ay markaasi sare u qaadeyso wacyiga ku aaddan sidii sare loogu qaadi lahaa nolosha iyo caafimaadka caruurta iyo hooyooyinka dhamaan ku nool wadamada caalamka.

Hay’adda Save the Children ayaa waxay soo saartay warbixintii 11 ee sanadlaha ahayd oo ay kaga hadlaysay hooyooyinka caalamka, iyadoo warbixintani lagu sheegay dalalka ugu wanaagsan ee ay ku nool yihiin hooyooyinka uga daryeelka fiican iyo dalalka ugu daryeelka hooseeya ee hooyooyinka caalamka, Waxaana warbixintani lagu saleeyay helitaanka adeegyada caafimaadka oo hooyooyinka ka caawiya dhalitaanka, caafimaadka iyo daryeeelka guud ee ay caruurtu helaan, iyadoo sidoo kalana ay jiraan baahiyo xooggan oo ku aaddan tirada dhakhaatiirta iyo umulisooyinka dalalka ugu fakhrisan caalamka.

Sida warbixintani lagu tilmaamay dalka Norway oo ku yaalla waqooyiga qaaradda yurub kana tirsan dalalka iskandanefiyanka ayaa lagu sheegay dalka ugu wanaagsan ee ay daryeelka ka helaan hooyooyinka caalamka iyadoo kaalinta labaadna ay Australia gashay, dhinaca kale dalka afgaanistan ee bartamaha koonfureed ee qaaradda Aaasiya ayaa buuxiyay booska ugu dambeeyay ee 160 waddanka ee warbixintani lagu sheegay iyadoo dalalkaasina ay isugu jireen 43 dal oo wadamada horumaray ah iyo 117 waddan oo dalalka soo koraya kamida.

Warbixintan oo lagu saleeyay nolosha iyo caafimaadka hooyooyinka caalamka ayaa lagu falanqeeyay sida dalalka qaar ay u hanteen caafimaad ku waaridda hooyooyinka iyo caruurtooda, waxaana si toosa warbixinta loogu muujiyay qaabka ay hooyooyinka ku helaan waxbarshada, fursadaha dhaqaale, iyo daryeelka caafimaad ee ay u baahan yihiin iyaga iyo ubadkooda si ay u noolaadaan sala markaana si wanaagsan ugu kobcaan.

Hadii aan xusno tobanka dal e warbixintani lagu sheegay ee ugu wanaagsan dhinaca daryeelka hoooyinka waxaa la tilmaamay wadamada Norway,Australia, Iceland, Sweden, Denmark, New Zealand, Finland, the Netherlands, Belgium, iyo dalka jarmalka, dhinaca kale tobanka waddan ee ugu hooseeya warbixintan ee ku aaddan daryeelka hooyooyinka ayaa lagu cadeeyay dalal ay kamid yihiin Afghanistan, Niger, Chad, Guinea-Bissau, Yemen, jamuuriaydda dimuquraadiga congo, Sudan, Eritrea, iyo waliba, Equatorial Guinea.

Dalka Mareykanka ayaa warbixintani ka galay kaalinta 28 taasi oo uu hoos uga dhacay darajada 27 oo uu galay sanadkii 2009, waxaana arintani lagu saleeyay xaddiga dhimashada ee hooyooyinka wakhtiga dhalmada iyadoo hal kamida 4,800 ee hooyo walba oo mareykanka ku nool ay geeriyooto wakhtiga dhalmada  taasi oo tiro aad u badan ah marka loo fiiriyo wadamada horumaray.

Mary Beth powers oo kamida hawl wadeenada Save the children, isla markaana qaabilsan ololaha daryeelka caafimadka dhallaanka, ayaa sheegtay inkastoo xaaladda hooyooyinka mareykanka ay u baahan tahay in sare loo qaado in haddana hooyooyinka ku sugan wadamada soo koraya ayaa waxaa soo wajahaya khatar aad u weyn oo dhinaca caafimaadka ah, waxayna intaasi raacisay yaraanta xirfadlayaasha dhalmada, caafimaadka hooyooyinka iyo caruurta iney horsed u tahay dhibaatooyinka haysta hooyooyinka ku nool qaar badan oo kamida dalalka ugu fakhrisan caalamka, waxayna arintani caqabad ku tahay xakamaynta iyo caafimaadka dhalmada hooyooyinka iyadoo wadamada warbixintani liiska hoose ka galayna lagu sheegay iney yihiin dalalka ugu badan ee ay hooyooyinku uurka ku qaadaan islamarkaana ugu khatarta badan dhinaca xaaladaha dhalamada.

Isbarbardhiga dalalka Caalamka.

Inka yar 15% dhalmada wadamada afgaanistan iyo Chad ayaa nasiib u yeesha iney caawiyaan oo ay markaasi dhaliyaan dhakhaatiir xirfad leh, halka dalka Ethiopia 6% ay nasiib u yeeshaan hooyooyinka uurka leh iney dhaliyaan dhakhaatiir xirfad leh, taasi oo waxbadan ka fog marka loo fiiriyo dalka warbixintani kaalinta 1aad ka galay ee Norway oo lagu sheegay in hooyo walba goorta ay dhalayso ay nasiib u yeelato inuu gacanta ku qabto dhakhtar aqoon u leh adeega caafimaad ee ay u baahan tahay.

Midkamida todobadii haweena eek u dhala dalka Niger waxay ku geeriyoodaan dhalmada, halka sideed hooyo mid kamida ay khatar ku wajahdo dalalka Afghanistan iyo siraliyoon.

Dhinaca kale Dalakka bosnia and herzegavina, Griiga, talyaaniga ayay warbixinani ku sheegtay iney dhimasho soo foodsaarto midkamida 25000 ee hooyo, halka dalka Ireland 47 kun oo hooyo ay mid kamida geeriyooto wakhtiga dhalmada.

Dalalka Soomaaliya, Jamhuuriyadda Congo iyo dalka Angola  ayaa lagu sheegay in xaddiga dhimashada caruurtu uu ka sareeyo marka loo fiiriyo dalalka qaara waxaana la sheegay iney dhimashada caruurtu ka sareyso in afartii caruura ee dhalata uu mid kamida geeriyoodo, taasi oo waxbadan ka fog marka la eego dalalka Finland, Iceland, Luxemberg, iyo Sweden, oo inkabadan 300 caruura uu mid kamida geeriyoodo ka hor intaanu gaarin sanadka 5aad.

Sidoo kale warbixintan hooyooyinka lagu qiimeynaya ee la siii daayo sanad walba ayaa lagu qiimeeyay heerka waxbarshada ee ay helaan hooyooyinka ku nool dalalka caalamka qaarkood iyadoo haweenka ku nool wadamada Afghanistan, Angola, Chad, Djibouti, Eritrea iyo Guinea-Bissau ay fursad u yeeshaan wax ka yar shan sano waxbarashada aasaasiga ah, halka dalka Niger lagu tilmaamay in haweenka dalkaasi ay fursad u yeeshaan wax ka yar afar sano iney bartaan waxbarashada aasaasiga ah, halka dalalka Australia iyo New Zealand, celceliska haweenku ay waxbartaan lagu sheegay inkabadan 20 sano..

Dhinaca dakhliga ayaana ka marneyn warbixintani lagu qiimeynayay hooyinka caalmka waxaana lagu sheegay in dalalka Afghanistan, Urdun, Lebanon, Libyan, Morocco, Oman, Pakistan, Syria iyo dalka Yemen, in haweenku ay calmaaadn amaba ay helaan 25 cent ama wax yar halka doolar ee ay ragga soo gala, dalaka sacuudi carabiya iyo falastiin ayaa lagu sheegay in haweenku ay helaan 16 ilaa 12 cent halkii doolar ee ragga soo gala, halka dalka mangooliyana lagu sheegay in 87 cent ay haweenku ka calfadaan doolar kasta oo ragga dakhli ahaa usoo gala, iyadoo sidoo kalan dalka Moxzambiik lagu sheegay iney hawnnku heelaan 90 cent oo kamida halkii doolar ee soo gala nimanka.
.
Mary Beth powers oo warbixintani akhrisay ayaa sheegtay in farqiga u dhaxeeya wadamada caalamka ay ku saleeyeen warbixintani ay soo saartay hayadda save the Children, waxayna sheegtay iney aad ugu faraxsan tahay nasiibka ay u yeelatay lahaanshiya afar caruura oo caafimaad qaba balse waxay carabka ku dhufatay in hooyooyin badan oo ku nool daafaha caalamka ay la daalaa dhacayaan caafimaadka caruurtooda iyo waliba noloshooda.

Waxaa qoray Cabdiqafaar Shire.

Radio Bar-kulan.

Maqaaladda La Xiriira:

1. Rajo xumo soo foodsaartay hooyooyinka.
2. 03 May, Maalinta xoriyadda saxaafadda Caalamka.
3. Transparency: Soomaaliya waa dalka ugu musuqa badan caalamka

FIFA iyo shirkada qaban qaabineysa xaflada furitaanka tartanka oo saldhigeedu yahay US-oo la yiraah Control Room ayaa sheegay in Masekela, Freshlyground iyo Soweto Gospel Choir ay ka mid yihiin kooxaha ka heesi doona koobka aduunka iyagoo ku biiri doona Shakira iyo Black Eyed Peas xaflada furitaanka ee tartankaasi oo June 10 keeda ka dhici doonta xaafada  Soweto garoonka  ku yaala ee Orlando Stadium.

Shakira iyo Freshlyground waxey baahiyeen dhawaan heesta rasmiga ah ee loogu talagala koobka aduunka taasoo la yiraah  “Waka Waka – Time for Africa,” heestaasi waxey la kulantay soo dhaweyn diidmo iyo haa ah qaaarada Africa gudaheeda.

Kooxda ka dhisan Soweto-ee la yiraah Mzansi Youth Choir iyo fanaanka soomaaliyeed ee ciyaarta hip hop K’Naan ayaa lagu daray fanaaniinta koobka aduunka, ka heesi doonta.

Isagoo ka hadalayay Britain, oo uu booqasho ku joogo ayuu, Masekela u sheegay  Associated Press inuu sidoo kale ka soo muuqan doono ciyaarta furitaanka ah ee World Cup lagu furayo June 11 taasoo ka dhici doonta Soccer City stadium.

FIFA iyo gudiga qaban qaabada ayaa waxey isku raaceen in koobka aduunka fanaaniinta qaarada ay la heesaan markii hore hayeeshee FIFA iyo shirkada Los Angeles’ ee Control Room ayaa ku dhawaaqay bishii March in si rasmi ah ay fanaanada koobka aduunka fureysa ay noqoto xidigta u dhalatay Colombian ee Shakira, oo ay wehliyaan fanaaniinta mareykanka u dhashay ee Black Eyed Peas, Alicia Keys and John Legend.

Sunni Said Salah

Bar-kulan, Ciyaaro

Maqaaladda La Xiriira:

1. Heesta furitaanka koobka aduunka oo Shakira loo dhiibay
2. Russia oo lagu abaalmariyay koobka aduunka ee 2018
3. Heesaagii furi lahaa koobka aduunka oo dhintay

Angelina Jolie.

Angelina Jolie oo kamida hobalada Mareykanka ee hollywoodka  ayaa ka damqatay xaaladda bani’aadanimo ee ka jirta Soomaaliya.

Bar-kulan: Angelina Jolie oo kamida haweenka Hollywoodka oo ah shirkadda soo saarta aflaanta Mareykanka ayaa aad uga damqatay xaaladda bani aadanimo ee ka jirta Soomaaliya, iyadoo bulshada caalamka si degdeg ah ugu Codsatay iney wax ka qabtaan xaaladda bani’aadanimo ee sii xumaaneysa ee ka jirta Soomaaliya, gaar ahaana dadka ku xayirmay iyo kuwa ku barakacay gudaha caasimadda Muqdisho, halkaasi oo ay inta badan ka dhacaan dagaalo dhiig badani ku daato oo saamaynta ugu daran u geysta dadka rayidka ah.

Angelina Jolie dhawaanahan waxay ku sugnayd qaaradda Yurub oo ay kaga qeyb galaysay duubitaanka Filimkeedii ugu dambeeyay, iyadoo ka tirsan hobalada jila aflaanta Mareykanka sidoo kale Angelina waxay la shaqeysaa hay’adda QM u qaabilsan arimaha qaxootiga ee UNHCR oo ay u hayso xilka danjire sharafeed UNHCR ka tirsan.

Angelina waxay ku safartay in badan oo kamida dalalka ay dagaaladu aafeeyeen iyo xeryaha Qaxootiga caalamka si ay markaasi diirada u saarto ama ay ula socoto xaaladda bani’aadanimo ee haysata dadyowga Qaxootiga ah, Marar farabadan waxay ka hadashay xaaladda Baniaadaniimo ee Soomaaliya iyadoba marar horena booqatay xeryaha qaxootiga ee ay Soomaalidu caalamka kaga jirto oo ay ka mid yihiin xeryaha qaxootiga Soomaalida ee wadanka Kenya.

Angelina waxay Tilmaantay inaad ugu walaacsantahy xaaladda baniaadanimo ee kumaan Qaxooti Soomaaliyo oo ay barakiciyeen dagaalada Muqdisho, iyadoo dad gaaraya 170 kun oo Soomaali ah ay ku khasbanaadeen iney guryahoodii kasoo cararaan ilaa iyo sanadkaan 2010 bilawgiisii.

Angelina Jolie, Danjire Sharafeed (Goodwill Amabassador)

“Xanuun ayay igu haysaa qiimeyn la’aanta nolosha aadanaha ee Soomaaliya ka taagan” ayey tiri Angelina Jolie oo ah Danjire sharafeed, hey’adda Qaxootiga ee QM, UNHCR,

Angelina waxay tiri “Xanuun qoto dheer ayay igu haysaa qiimeyn la,aanta nolosha aadanaha ee ka jirta Soomaaliya, iyadoo hadalka Angelina uu ku soo beegmayo kadib baaq dhawaan uu soo saaray Madaxa UNHCR Hayaddda QM u qaabilsan arimaha qaxootiga Antonnie Guterres oo goor sii horeysay ku baaqay In bulshada caalmku ay dareen buuxa u lahaato bulshada dhibaateysan ee Soomaaliya.

Dhinaca kale Angelina Jolie waxay ka codsatay dhinacyada ku dagaalamaya Soomaaliya ineysan duqeyn islamarkaana aysan bartilmaameedsan goobaha ay dadka rayidka ahi ku sugan yihiin.

Inta badan maalin walba dagaalka ka dhaca Muqdisho ee u dhaxeeya Ciidamada dawladda oo Tageero ka helaya ciidamada nabad ilaalinta Amisom iyo dagaal yahanada Muucaardka ee Kooxaha islaamiyiinta ayaa sida lagu xaqiijiyay Warbixintii ugu dambaysay ee ay soo saareen xafiiska QM u qaabilsan arimaha baniaadanimada Soomaaliya lagu sheegtay in dhaawac iyo Dhimashada ugu badan ay dagaaladaasi u gaystaan dadka rayidka ah iyadoo la xaqiijyay in dagaaladii dhacay kaliya bishii la soo dhaafay ay waxyeelo dhimasho iyo dhaawac isugu jirta ay  u geysteen dada gaaraya 900 ruux oo rayid u badan.

QM waxay ku qiyaastay in 100 kun oo ruux ay ka barackaceen Muqdisho tan iyo sanadkaan bilawgiisii, iyadoo sidoo kalana xaqiijisay in tirade dadka ku barakacay gudaha iyo wadamada Deriska ay gaarayaan ilaa iyo 170 kun.

Jolie iyo Rice, Maalinta Qaxootiga June 20, 2005.

Duqeynta, iyo dagaalada naxariis darada ah ayaa horseeday iney joojiyaan isku socodka gaadiidka ka shaqeeya hawlaha gargaarka bani’aadanimada sida gawaarida gurmadka degdeg ah ee ka shaqeeya gudaha magaalaada Muqdisho.

Qiyaastii 1.4 milyan  Soomaaliya ayaa ku barakcay gudaha Soomaaliya ilaa iyo 570 kun oo qaxootiya ayaa ku nool wadamada dersika halka 3 milyan oo Soomaaliya ay ku tiirsan yihiin gargaar banaadanimo, waxay arintaasi Soomaaliya ka dhigeysaa sida warbixinta lagu sheegay xaaladda baniaadanimo tii ugu xumayd ee haatan caalamka ka jirta.

Dhinaca kalana Maantay magaalada Qaahiro ee caasimadda wadanka Masar  waxaa ku kulmaya kooxda Xiriirka caalimiga ah ee Soomaaliya oo ay matalayaan Wakiilo ka kala socda ilaa iyo 40 dawladood, kuwaasi oo kawada xaajoonaya xaaladda Soomaaliya, waxaana kulankaasi martigelinaya ururka jaamacadda Carabta ee Fadhigiisu yahay magaalada Qaahiro ee Caasimadda Wadanka Masar.

______________________________________

Waxaa Qoray Cabdiqafaar Shire.

Xigasho: The Improper Magazine.

Radio Bar-kulan.

Maqaaladda La Xiriira:

1. Jilayaal Mareykan ah oo $340 kun ugu deeqay Soomaaliya
2. Wafdi ka socday Mareykanka oo booqday xeryaha qaxootiga ee Kenya
3. Seychelles oo ka qeybqaadaneysa gargaarka Soomaaliya

Abaal marinta Juno Awards iyo Kaynaan-Bar-kulan-18-04-2010

Bar-kulan-Fanaanka lagu magacaabo kaynaan oo asal ahaan kasoo jeeda dalka Soomaaliya balse haysta dhalshada wadanka Canada qaadayna heesta sida aadka loola dhacay ee waving flag, taasi oo goor aan sidaasi usii fogeyn ay mar kale dib u duubeen in ka badan 50 fanaan oo u dhashay wadanka Canada si loogu caawiyo dadka dhibanayaasha ah ee dalka Haiti, ayaa mar kale ku guulaystay oo ay abaal mariyeen laanta Canada u qaabilsan qiimeynta Muusiga, taasi oo kaynaan ka dhigeysa fanaankii sanadkaan ugu wanaagsanaa dalka Canada kadib markii la gudoonsiiyay abaal marinta Juno awards maalinimadii shalay ahayd isago ka guulaystay fanaaniinta Michwel Bubble Diana krall, Jan arden iyo Johny Reid.

Kaynaan oo ka hadlayay madasha ay ka dhacday xafladdani lagu bixinayay abaal marinta Juno awards ayaa sheegay inuu aad ugu faraxsan yahay inuu ku guulaysto abaalmarintaasi, isagoo sheegay ineysan xaqiiqdii wax fudud ahayn in lagu guulaysto abaal marin noocaas oo kale ah, waxa uuna intaasi ku daray inaad meel fariisan karto isla markaana saaxiibaadaa aad ku oran karto waa inaad badisaa hase ahaatee ay u baahan tahay dhabar adeyg iyo dadaal dheeriya inaad ku bixiso si aad u guulaysato.

Fanaanka Codka dabacsan Kaynaan ayaa madasha xafaladdu ka dhacaysay keaga sheekeeyay halka ay ka yimaadeen iyo taariikh nololeedkiisa waxa uuna yiri Canada waxaan nimid anigoo 15 sano jira, waxaana ka nimid Soomaaliy, markaasna ma aanan garanayn sida aan u darsi karo dareenkayga iyo noloshaydii hore, qorida heesaha iyo ku luuqayntooduna waxay noqotay waxyaabihii ugu horeeyay ee aan isku dayay inaan sameeyo.

Kaynaan xukuumadda Canada waxa uu uga mahad celiyay deganaanshaha ay siiyeen isaga iyo hooyadiis dalkaasi laga siiyay, taasi oo u suuro galisay inuu sameeyo horumarka dhinaca fanka ah ee uu abaal marintaasi ku mutaystay.

Warbixintaan waxaad ka dhageysan kartaa Boggaan qeybtiisa sare.

Xigasho: Warbaahinta Canada.

Waxaa Qoray Cabdiqafaar Shire.

Radio Bar-kulan.

Maqaaladda La Xiriira:

1. Abaal-marinta FIFA Ballon d’Or 2010 oo caawa la bixin doono
2. Burco: Arday abaal-marinno la guddoonsiiyay
3. Waving Flag oo Haiti loo duubay in lagu caawiyo

Dhabtii heestani waxay taabanaysaa muhiimadda ay leedahay  warbaahinta gaar ahaan midda ku dadaalaysa helitaanka warar sugan oo aan dhinacnn raacsanay

Warar been abuuroo, Bah-wadaagta kala dila, Lama baahiyee, sida Raadyaha bar-kulanbaa, Biyo kama dhibcaankiyo, Runta loo bareeraa.

Hadal aan bisleyniyo, been kuma hadaaqee, Horumarinta beeshiyo, Bulshaduu daneeyaa.

Doqonbaa bareeraha, Afka kala baqeyshee, Madashii barbaartiyo, Ballanteennu waa kulan.

Raadiyow Bar-kulan, Raadiyoow Bar-kulan, Raadiyoow Bar-kulan.

Sida biligta roobkiyo, bisha oo shindhalatuu, Raadyaha Bar-kulan, Beled iyo baaddiye, Durbadii ku baahee, Bulshayahay ha moogaan.

Raadyow Bar-kulan, Raadiyoow Bar-kulan, Raadiyoow Bar-kulan.

Heestan Waxaad ka dhageysan kartaa Boggaan qeybtiisa hoose.

Song about Bar-kulan

Bar-kulan, Mar walba iyo Meel walba.

Maqaaladda La Xiriira:

1. Radio Bar-kulan oo hawada soo galaya
2. Barnaaamijka Martida todobaadka ee Radio Bar-kulan.
3. Barnaamijka Martida Todobaadka ee Radio Bar-Kulan.

Bar-kulan: Heesta Waving Flag waxay u muuqataa mid dareen dhaba ka bixinaysa waxa ka dhacay dalka Haiti, sidaasi waxaa yiri Kaynaan, isagoo ku guda jira safar uu ku marayo qaar kamida dalalka yurub.

Heesta fanaanka kaynaan ayaa mar kale dib looga shaqeeyay islamarkaana ay duubeen 57 fanaan oo kamida fanaaniinta ugu caansan hobalada dalka Canada , iyagoo markaasi isugu magac daray fanaaniinta yaryar ee Haiti, waxaana fanaaniintaasi kamida ahaa hobolo caanka ah dalka Canada oo ay kamid yihiin Indie, Emily haines, xiddiga sare Avril Lavigne iyo fanaanka Drake,

Fanaaniintaan ayaa waxay bishii la soo dhaafay ee feberaayo 18keedi ay isugu tageen Istudiyo weyn oo ku yaalla magaalada Vancouver ee gobolka British Columbia ee dalka Canada si markaasi heesta mar kale dib loogu duubo, si dadaal dheeriyo loogu galo sidii lagu caawin lahaa dadkii caruurta iyo qoysaska dhibaatadu ka soo gaartay musiibadii Haiti ka dhacday.

Qaabkan cusub ee loo qaaday HeestaWaving flag ayaa lagu laray laxan iyo hal abuuro hor leh oo si gaara u muujinaya dareenka iyo shucuurta dadka magaalada Port au prince ee caasimadda dalka Haiti, laxankaan iyo habeyntaan cusub ee heesta Waving flag lagu sameeyay ayaa waxaa isku duba ridey  soo saaraha caanka ka ah Dalka Canada Bob Ezrin.

Heesta Waving flag oo loo qaadayo qaabkan cusub ayaa la bilaabay in la iibyo 12kii bishan Maarso oo ahayd jimcadii aynu soo dhaafnay iyadoo kharashaadka kasoo baxana si toosa loogu wareejinayo hayadaha ka shaqeeya hawalaha bani’aadanimda ee sida gaarka ah u caawinaya Caruurta iyo haweenka dhibaateysan ee Dalka Haiti.

Hayadaha ka qeyb qaadanaya hawlahan baniadanimo.

Free The Children

Waa shabakada ugu balaaran caalamka ee ka shaqeysa isku xirka, dardar gelinta iyo caawinaada caruurta, waxaa aasaasay koox caruura oo dadoodu ay tahay 12 sano jiro kuwaas oo ku dhiiraday iney wax ka badalaan dareenka caruurta caalamka, kadibna caawinaad ay ka heleen bulshada caalamka ayaa waxay gacan weyn ka geysteen iney wax ka qabtaan isku xirka ubadka aduunka taaso sababtay in sare ay u kacdo waxqabadka ay siiyaan dhalaanka dunida, hay’adani waxay dalalka soo koraaya ka dhiseen in ka badan 500 oo xarumo waxabarsho, , iyagoo markaasi u suuro galiyay ku dhawaad 50,000 ardey iney helaan waxbarasho hoose dhexe oo bilaash ah isla markaana tayadeedu waxan tahay..

War Child Canada

Hay’addani waxay ka shaqeysaa inta badan caalamka, waxayna ku dadaashaa si markaasi ay u dhinto xaddiga baahida caruurta caalamka, islamarkaana ay u sahasho waxbarasho, daafacdo xuquuqda caruurta, hay’addani waxay ku dadaashaa sidii ay ku caawin lahayd caruurta caalamka ee u baahan in la caawiyo ee ay noloshooda saameeyaan colaadaha, iyo musiibooyinka dabiiciga ah iyadoo ahy’addani ku dadaasho sidii caruurtaasi ay ku dhisan lahaayeen mustaqbal iftiimaya.

World Vision

Hay’addani waxay dalka Haiti ka shaqaynaysay in ka badan sodon sano iaydoo qoysasayka danyarta ah iyo caruurta ka caawinaysay sidii ay nolol u samaysan lahaayeen, waana tan keentay iney hay’adaha kale kala shaqeyso iney caawiyaan dadkii ku waxyeeloobay dhulgariirklii burburiyey dalka Haiti gaar ahaana caasimadda Port au Prince.

Dhamaan kharashaadka laga aruuriyo heestan oo laga sameeyay aragti iyo maqal labadaba ayaa waxay saameyn toos ku yelanaysaa dhibanayaasha caruurta ah ee ku dacdareysan dalka Haiti iyadoo kharashkana  loo marinayo Hay’adaha gargaarka baniaadanimo ka shaqeynaya ee hawshaan gacanta weyn ka geystay.

Dareenka Kaynaan iyo Heesta Waving Flag.

Kaynaan, oo heestiisa Waving Flag ay noqotay mid  soo jiidata inta badan indhaha caalamka ayaa waxaa la rumeysan yahay iney wax weyn ka tari doonta caawinta dad badan oo ku dhiibateysan dalka Haiti.

Kaynaan oo 31 jir ah deggana magaalada Toronto ee Dalka Canada ayaa si weyn u garan kara dhibaatada haysata dadka reer Haiti, iyadoo kaynaan uu ku dhashay magaalada muqdisho ee xarunta  dalka Soomaaliya halkaasina ku noolaa intii lagu gudo jirey dagaaladii sokeeye kuwoodii ugu horeeyay inkastoo ay ka soo qaxeen Soomaaliya isagoo 13 sano jir ah, mudana dad qaraabadiisa ah kula noolaa magaalada New york ee Dalka Mareykanka ka hor intaanu u wareegin Dalka Canada.

Sanadkii 2009 waxa uu kaynaan soo saaray albumkiisa 2aad, iyadoo heesta sida aadka ah u soo jiidatay dareenka caalamka ee Waving flagna si wanaagsan loogu xardhay albumkaasi, iyadoo uu fanaanku rumeysan yahay in Muusiga iyo heesuhu ay yihiin awooda kaliya ee lagu gaari karo dareenka dadweynahah islamarkaana wax looga badali karo masiirka iyo dareenka bulshaweynta caalamka.

“waxaan filayaa farqi ayaa u dhaxeeya in dhacdo warbaahinta laga baahiyo iyo in hees lagu soo bandhigo, waxaan filayaa xoogaa iney ka duwan tahay marka hees lagu soo bandhigo, waxaan rajeynayaa inaan si dhaba heesta u xaqiijinayso in dadka ay la wadaagto dareen kasta oo bulshada ka dhex jira, sidaasi waxaa yiri Kaynaan mar uu la hadlayay warbaahinta Gudaha Dalka Canada.

Qaabka cusub ee loo qaaday heesta Waving flag waxay tilmaan ka bixinaysaa xaalada dhabta ah ee dalka Haiti, taasi oo u muujinaysa dhacdo si sahlan loo xasuusan karo markasta oo la arko amaba la maqlo heestaasi oo meel ka shidan.

Heesta ayaa waxaa si wada jira isula qaadaya hobola farabadan oo reer canada ah taasi oo xamaasad galineysa ruux walba oo daawada heestaasi qaabka cusub ee loo qaaday.

Marka la fiiriyo qaab qoraalka heesha kaynaan, ayaa heestani waxay u muuqanaysaa hees xambaarsan dareeno iyo shucur kala taasoo markaasi u muuqanaysa  in dhinacyo badan loo adeegsan karo.

Kaynaan waxa uu dalka Canada dib ugu noqonayaa bisha soo socata ee April si uu uga qeyb galo munaasabadda sanadlaha ah ee abaal marinnada lagu gudoonsiiyo fanaaniita Canada, munaasabaddan sanadlaha ayaa lagu bixiyaa abaal marinta loogu magacdaray Juno Awards.

Heestaan qaabka cusub loo Duubay ee Waving Flag ayaa goor hore uu fanaanku duubay iyadoo markaasi loo xushay iney noqoto heesta sanadkaan lagu furi doono koobka kubadda Cagta ee lagu qabanayo Dalka Koonfur Afrika.

Halkaan ka daawo qaabka Waving Flag loogu qaaday Dalka Haiti.

Dalalka

Soomaaliya.

Canada.

Haiti.

Magaalooyinka

Muqdisho.

New york.

Toronto.

Vancouver.

Port au prince.

Waxaa qorey Cabdiqafaar Axmed Shire.

Xigasho: The Vancouver Sun.

Radio Bar-kulan.

Maqaaladda La Xiriira:

1. Video of Waving Flag of K’Naan
2. Kaynaan aa la abaal mariyay.
3. K’naan oo ka Heesay Xafladii Furitaanka Koobka Adduunka.