Dowlada KMG oo ka hadashay dagaalka Muqdisho
Muqdisho:Bar-kulan-Xukuumada KMG Soomaaliya ayaa guulo ka sheegatay dagaalo maanta illaa xilli dambe oo galabta ah ka dhacayay deegaanadda waqooyi ee magaalada Muqudisho.
Afhayeenka wasaarada warfaafinta Cabdirizaaq Maxamed Qeylow ayaa sheegay in ciidamada dowladda ay qabsadeen goobo ay horey ugu sugnaayeen kooxaha kasoo horjeeda dowladda sida degmooyinka Kaaraan iyo Cabdulcasiis.
Mudane Qeylow ayaa sheegay in ciidamadda dowladu ay weli kusii siqayaan goobo cusub isagoo sheegay inay horumar ka sameeyeen dhanka xeebta ee degmada Kaaraan.
Afhayeenku waxa uu tilmaamay in ciidamada dowladu kusii dabba joogaan maleeshiyaadkii Al Shabaab ee halkaas fariisinka ku lahaa.
Ma jiraan weli wax war ah oo ka soo baxay dhanka Shabaabka oo u aadan dagaalada ka dhacay degmada Kaaraan iyo Cabdulcasiis.
Dagaalada maanta dhacay ayaa siyaabo gooni gooni ah uga kala dhacayay degmooyinka Hodan, Howl-wadaag, Shibis, Cabdulcasiis iyo Kaaraan, iyadoo madaafiic ay labada dhinac isku adeegsanayeen khasaare rayid ka geysatay meelo ka baxsan halkii ay dagaaladu ka dhacayeen sida degmada Xamar Jajab.
Radio Bar-kulan
Warbixinada la Xiriira:
Loading ...
